Viños Sinceros
A nosa vocación é elaborar viños Ribeiro sinceros baseados na agronomía, aplicando o coñecemento da ciencia ao cultivo da terra. Viños de paisaxe e territorio, auténticos e xenuínos, elaborados con mestura de uvas autóctonas.
A nosa filosofía de elaboración baséase en conseguir manter o máis fiel posible todo o potencial do viñedo e da uva que chega á adega. Para conseguilo hai que respectar ao máximo o carácter das parcelas e ser o menos intervencionistas en adega.
Coñecemento e selección
O noso concepto de traballo implica separar ao máximo as nosas parcelas e subdividir cada unha delas para coñecer o seu comportamento. Aplicamos un criterio de vendima que se fundamenta en dous alicerces: o coñecemento da variedade e a parcela, e na selección de uva 100% en viña.
Por iso, non só cada tipo de uva se recolle por separado senón tamén cada parcela e cada variedade dentro dun mesmo viñedo. Adoitan ser vendimas moi longas porque o noso obxectivo é conseguir o estado de maduración completo e óptimo.
A elaboración
Dependendo da variedade e a parcela de orixe, utilizamos os materiais que menos alteren o carácter natural da uva e o viñedo. Ademais de depósitos de aceiro inoxidable de pequenas capacidades, en adega utilizamos diferentes volumes e madeiras, todas elas xa usadas; fudres, tallas abertas, distintos estilos de barricas e ovos de formigón.
Meín Castes Brancas
Aromático, atractivo e intenso. Final amable e sincero. Exemplo da precisión e do agarimo que caracterizan á adega en viticultura e elaboración.
Reflexo da ensamblaxe minifundista das variedades locais do val do Avia.
O Gran Meín Castes Brancas
O Gran Meín Castes Brancas é a nosa interpretación do xardín de variedades e a paisaxe de bancales que é Ribeiro. Unha extrema precisión en viticultura e elaboración levan a separar cada uva e cada parte da parcela en todo o traballo de viñedo, incluídas varias vendimas, ata adega.
O Gran Meín Tinto
O Gran Meín Tinto é unha viaxe polo val do Avia. No percorrido cara ao norte, onde atopamos unha paisaxe máis abrupta, atópanse as parcelas de Osebe e Ribeira, con brancellao e caíño longo. Xunto a elas, a parcela de Toro, uns dos socalcos máis antigos de Meín con garnacha tintorera, conforman este viño. Estas variedades expresan o clima desta zona: cun carácter atlántico, a súa esencia evócanos ás oscilacións térmicas do interior galego.
Emilio Rojo
Emilio Rojo 2018 é o resultado dunha viticultura minifundista. O uso das distintas variedades locais (treixadura, lado, godello, caíño branco, albariño e torrontés) expresa as características dunha paisaxe singular cunha inmensa paleta de colores. Síntese entre sábrego, socalcos, orientación e cepas. Delicado, pero tenso; vivo, pero sólido: viña e viño inimitables.
Historia das anadas
O val do Avia caracterízase por unha influencia atlántica durante boa parte do ano, pero con temperaturas interiores no verán. Un clima adverso que expresa a paisaxe deste contorno.
